唔係一般喺街度買得到嘅豆腐貓砂
內銷版獅子荳砂採用了通過食品安檢的可食用材料，經高溫滅菌消毒、雜物篩離、 壓模、除塵工序和真空包裝等62道繁複工序所製成，是種可以直接沖落廁所，而且能夠自然降解嘅環保豆腐砂。
如果貓砂顆粒圓潤光滑、尺寸細小、質地柔軟，可以提高腳感舒適度，貓仔一般比較容易接受。但係當表面過度光滑， 吸水效能就會大幅降低。質地過軟就容易碎化成粉，唔單止影響貓仔呼吸系統，亦容易導致塵土飛揚。 我哋試過60幾種組合，先至有信心拿捏到依個平衡點。
但係問題又嚟喇，好多時我哋都會發現屋企周圍都係貓砂，睇嚟好似冇乜所謂，實際上好鬼核突。同你將啲抹過嘅廁紙放喺床上面有咩分別？
為咗解決呢個問題，我哋經過長時間嘅觀察，留意到貓仔去緊廁所嘅時候， 尤其係開大嘅時候，後腳嘅腳趾罅係會sa開嘅。而貓仔撥貓砂嘅時候，佢隻手嘅手指都係擘開嘅。 喺呢個時候，啲貓砂就會攝咗喺手指或腳趾罅。 我哋用電子卡尺（digital caliper）量度超過40隻 唔同品種同埋年齡嘅貓嘅500條腳趾罅，發現腳趾罅嘅闊度一般係4至6毫米。所以，獅子荳砂特意鑄造6.5毫米圓盤形貓砂顆粒模具。呢個尺寸最合乎貓咪， 踩上去唔會覺得岩巉，size亦都唔會揳到入去腳趾罅，所以可以將貓砂被帶離貓砂盤嘅比例懸崖式咁降低95%。
圓盤形嘅貓砂嘅體積跟表面積比例（Surface to Volume Ratio）比球形或者長條型嘅貓砂大幅增加，所以更有效增加吸水性同埋吸收速度。
真空包裝唔係淨係為咗靚嘅。隔絕咗空氣，可以降低貓砂跟水同氧嘅接觸，延長保質期同減低變壞風險。 我哋用食用級原材料、零添加劑同零化學成份。 安全係獅子寵工對貓砂嘅最基本的要求。原料全天然，即便誤食都唔會產生問題，貓主可安心購買和使用。
同街賣嘅其他產品唔同，獅子荳砂無話用廉價香精去「除臭」。 純粹用食物氣味嚟冚住臭味因子，咪等同喺公廁度用雞髀味嘅香薰（如果KFC有出嘅話），簡直匪夷所思。「無味」先至係皇道。
而且包裝個紙箱都經過仔細設計，能夠成為「貓之封印」盒。 個盒裏面已經噴咗防水層，所以你亦都可以將個紙箱當做貓砂盤， 夠晒衛生，又環保。
每粒獅子荳砂都經數十工序，從外至內顛覆現時規格，反映出獅子寵工對產品卓越質素的追求。
嗱， 唔使我講相信你都知，每一粒獅子荳砂都係本土製造。